Cricket Ke 3 Type Ke Players
Cooler vs Closer vs Cleaner — Aap Kaunse Ho?
Cricket me bohot log talent ke saath aate hain.
Mehnat bhi karte hain.
Phir bhi kuch players aage nikal jaate hain
aur kuch wahi ke wahi reh jaate hain.
Reason simple hai — mindset.
Maine apne experience me players ko teen type me dekha hai:
Cooler, Closer aur Cleaner.
Cooler – Shant Dimag Wala Khiladi
Cooler player shant hota hai, par zyada tar khud se nahi chalta.
Is type ka player aisa hota hai:
- Koi bolega tab mehnat karega
- Sir aaye tab warm-up start karega
- Sir aaye tab serious cricket khelega
Sir ke aane se pehle:
- Thoda TP
- Thoda timepass
- Thoda wait
Ye player galat nahi hota,
par problem yeh hoti hai ki
yeh khud ko push nahi karta.
Match me bhi wahi hota hai.
Guidance mile toh chalega,
warna flow me nahi aata.
Closer – Nirdharit Kaam Karne Wala Player
Closer player ek step aage hota hai.
2 ghante practice bola → 2 ghante practice
Jo bola gaya → wahi kiya
Ye player:
- Mehnat karta hai
- Discipline follow karta hai
- Routine miss nahi karta
Par ek jagah atak jaata hai.
Practice ke baad:
- Apni galti nahi sochta
- Analysis nahi karta
- Ghar jaakar match ko mind me replay nahi karta
Isliye improvement hota hai,par limited level tak hi.
Cleaner – Saaf-Suthra Kaam Karne Wala Player
Cleaner wo player hota hai jo sirf practice complete nahi karta,
practice ko finish karta hai.
Practice ke baad bhi:
- Thoda extra kaam
- Thoda self-analysis
- Thoda planning
Cleaner apne aap se sawal poochta hai:
- Aaj kya better hua?
- Kaunsi cheez weak lagi?
- Match me isko kaise use karunga?
Ye wahi player hai jo:
100 run maarne ke baad bhi
next day apni weakness pe kaam karta hai
Accha spell ke baad bhi
poochta hai: “Aur better kaise ho sakta hoon?”
Cleaner ko sir ke hone ka wait nahi hota.
Uska motivation andar se aata hai.
Real Difference Kahan Banta Hai
Difference is baat ka nahi hota ki kaun zyada talented hai.
Difference yeh hota hai:
- Kaun khud se sochta hai
- Kaun practice ke baad bhi game ko samajhta hai
- Kaun comfortable hone ke baad bhi improve karta hai
Cleaner wahi karta hai jo baaki log skip kar dete hain.
Final Thought (Dil Se)
Agar aaj aap sirf bola gaya kaam kar rahe ho,
toh aap Closer ho.
Agar aap wait kar rahe ho ki koi bole tab start karunga,
toh aap Cooler ho.
Aur agar aap practice ke baad bhi
khud pe kaam kar rahe ho,
toh samajh lo —
aap Cleaner ban rahe ho.
Cricket me sab khelenge.
Par career wahi banayega
jo Cleaner mindset rakhta hai.
