Relentless Is Lonely – Jab Focus Tumhe Akela Bana Deta Hai
Ye lesson thoda hard hai, par bilkul sach hai.
Jab tum apne standards badhate ho na,
toh dheere-dheere tum logon se alag hone lagte ho.
Isliye nahi kyunki tum arrogant ho,
balki isliye kyunki tum serious ho.
Log bolte hain:
“इतना serious क्यों है?”
“इतना सोचने की क्या जरूरत है?”
Par Relentless ek baat clear bolti hai —
elite mindset thoda lonely hota hai.
Mera Personal Experience
Jab main Mumbai Probables khel raha tha,
tab main ek shell me chala gaya tha.
Main zyada baat nahi karta tha.
Zyada logon ke saath time nahi spend karta tha.
Aksar main akela rehta tha.
Har din 3 baar visualization karta tha.
Subah, shaam, aur raat.
Match ke din reporting 8:30 baje hoti thi,
par main 8:00 baje ground pahunch jaata tha.
Warm-up, stretching, breathing — sab pehle se ready.
Mera dimaag ek hi cheez pe tha — cricket.
Raat ko sone se pehle bhi
mere mind me sirf cricket chalta tha.
Kaun-si line length daalni hai,
kaun-sa batsman kaunsa shot khelega,
kaise wicket nikal sakta hoon.
Practice me bhi main zyada baat nahi karta tha.
Bas ek hi soch hoti thi —
“Batsman ko out kaise karna hai?”
Mind bilkul clear hota tha:
ek line, ek length, ek plan.
Mera routine pura cricket ke around tha.
Instagram sirf 15 minute.
Entertainment kam.
Cricket interviews zyada.
Cricket matches zyada.
Main Ranji Trophy ke matches dekhne bhi jaata tha,
sirf entertainment ke liye nahi,
seekhne ke liye.
Friends dheere-dheere kam ho gaye.
Ek time aisa aaya jab ek bhi friend nahi tha.
Ek saal baad bas ek hi friend bana,
ussey thodi baat hoti thi,
baaki kisi se nahi.
Aur sach bolu?
Us time lonely lagta tha.
Par wahi phase mujhe mentally strong bana raha tha.
Ye Sirf Mera Experience Nahi Hai
Yehi cheez duniya ke top players ne bhi ki hai.
Jab Surya Kumar Yadav ko India team me chance nahi mil raha tha,
tab usne bhi khud ko shell me daal diya.
Time waste kam kiya.
Masti, backchodi, distractions kam.
Uska focus sirf 3 logon pe tha —
wife, parents, aur wo khud.
Usne apna poora time ek hi cheez ko diya —
khud ko better banana.
Aur aaj hum sab result dekh rahe hain.
Young Cricketers Ke Liye Lesson
Agar tum seriously cricket me kuch banana chahte ho,
toh ye samajh lo —
Sab tumhe samjhenge nahi
Tumhara routine logon ko boring lagega
Tumhara silence logon ko ajeeb lagega
Par yaad rakho:
👉 Standards badhane ka price hota hai.
👉 Focus tumhe thoda akela karega.
👉 Par wahi focus tumhe alag banayega.
Relentless hone ka matlab ye nahi
ki tum gusse wale ho.
Relentless hone ka matlab hai
tum clear ho.
Aur jab clarity aa jaati hai na,
toh loneliness bhi strength ban jaati hai .